கடவுள் தவறுகளுக்கு அப்பாற்பட்டவர்!!!!

பகட்டுத்  திருமணம் ஒன்றில் 
சரசரக்கின்றன காஞ்சிபுரமும் ஆரணியும் ...
பத்தாதற்கு வஸ்த்ரகலாக்களும் ஆர்யாகலாக்களும்...
வரிசையாய் நிற்கின்றன சீருந்துகள்...
சீதனமாய் நிற்பது விமானத்தில் வந்து இறங்கியது போலும்...
புன்னகைகளில் உண்மை இல்லை எனினும்
பொன்னகைகள் அனைத்தும் உண்மை....
செழிப்பில் திகைத்து ...
செயற்கை திகட்டி ....
நிலா தேடி வான் பார்த்து நடக்கையில்...
எதிர்ப்பட்டனர்....
வயிறு இளைத்த நாயும்...
நூல் சேலை போர்த்தி உறங்கிய தெருவோரச் சிறுவனும் .....
யார் சொன்னது கடவுள் தவறுகளுக்கு அப்பாற்பட்டவர் என்று????